ДИК апелира спорните гласачи да се пријават: Рокот истекува-ова е листата

Заклучно со денеска до 12:00 часот, до Државната изборна комисија се пријавиле вкупно 5526 граѓани чиишто записи во Избирачкиот список по извршените вкрстени и теренски проверки се спорни, односно има несовпаѓање на податоците во Избирачкиот список.

На следниот линк можете да го следите овој број на поднесени пријави во реално време:

https://prijava.sec.mk/LiveDashboard.aspx​

Од нив, 2473 се пријавиле во подрачните одделенија и канцеларии и дополнителните канцеларии на ДИК, додека 3053 за пријавување ја искористиле веб апликацијата на интернет страницата на ДИК.

Рокот за пријавување истекува на 19 август.

Канцелариите на ДИК на 19 август ќе работат до 19:00 часот, додека електронската апликација ќе биде отворена до 24:00 часот.