Чавков: Наместо да ми се заблагодари Јанева безобразно лаже
Директорот на БЈБ, Митко Чавков, во интервју за „Република“ ја обвини специјалната обвинителка Катица Јанева дека безобразно лаже дека е опструирана.
-Знаете дека имаше реакции за моето појавување во Управата за безбедност и контраразузнавање, се појавив затоа што беа инволвирани припадници на Бирото за јавна безбедност, особено припадници на дел од единицата „Алфи“ и мојата реакција за повлекување на специјалците во тренерки, кои во тој момент дејствуваа како параполиција, беше клучна во попречувањето на ескалацијата. Катица Јанева наместо да ми биде благодарна за мојот придонес во намалувањето на тензиите кои тие ги предизвикаа, безобзирно ја лажеше јавноста дека има опструкции, а врвот на лагите беше нејзината изјава дека ме избркала од просториите на Управата за безбедност и контраразузнавање, што апсолутно не кореспондира со вистината, но и тоа зборува за нејзиниот личен и професионален интегритет, вели Чавков во интервјуто.
На крајот додава дека граѓаните на Република Македонија ќе го донесат објективниот суд за постапките на сите носители на одговорни функции.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа