СИТЕЛ: Велјановски со делегација на ПССЕ: Услови за фер избори има

Создадени се сите услови за одржување на фер и демократски избори на 11 декември, но и за изборниот процес по завршување на изборот, посочил Претседателот на Собранието Трајко Велјановски на средбата со претставниците од набљудувачката мисија од Парламентарното собрание на Советот на Европа. Првиот парламентарец укажал дека постои согласност од сите политички субјекти за одржување на изборите на договорениот датум.

Делегацијата на ПССЕ предводена од Стефан Шенах, која на изборите на 11 декември ќе брои 25 члeна, ќе има обврска да изработи извештај кој ќе биде претставен на отворањето на парламентарната сесија во јануари 2017 година.