Утрово Македонија мрзне: На овие места е кочан-ладно
Утрово кочан ладно низ цела Македонија. Според информациите од УХМР, најстудено е во Берово каде е измерена температура од -4 степени, -2 Прилеп, Битола, -1 Скопје, Петровец, Маврово, 0 во Крива Паланка, Пожаране, Демир Капија, 1 Дебар, Штип, Куманово, 2 Крушево, Виница, Охрид, Тополчани, Скопје, Претор, 3 Ѓуриште, Тетово, 4 Струмица, 7 Гевгелија и најтопло утрово со 8 степени во Дојран.
Во поголемиот дел од земјава има појава на магла и ниска облачност, а само на повисоките места во западните делови е сончево со мала до умерена облачност.Видливоста е најмала во Пелагонија и Демир Капија, каде што изнесува 50 м.
Претпладне на повеќе места ќе се задржи облачно и магливо, а сончеви периоди ќе има на повисоките места и планините.Околу пладне сончеви периоди ќе има и по котлините. Ќе биде и претежно тивко, само на места со слаб јужен ветер. Максималната температура ќе се движи од 9 до 15 степени.
Во поголем дел од денот ќе има појава на магла и ниска облачност, само околу пладне ќе има кратки сончеви периоди. Макс. температура ќе достигне до 10 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа