Србија има нов министер за финансии

Дипломецот на Јејл, Лазар Крстиќ, е нов српски министер за финансии, откако наводно, ја прифатил понудата на Александар Вучиќ во реконструираната српска Влада да го предводи секторот финансии.пишува белградскиот весник „Блиц“.

Како што весникот дознава, за почеток овој економист, кој во моментов работи во Њујоршката канцеларија на консултантската куќа „Мекензи“, ќе работи на спроведувањето на веќе усвоениот Акциски план на Владата на Србија, а од есен ќе поработи и на можните нови мерки што на Србија ќе и овозможат во следниот период да има одржлив финансиски систем.