МВР со детали за инцидентот во Ченто - приведени 20 лица
Министерството за внатрешни работи излезе со детали за инцидентот кој синоќа се случи во скопската населба Ченто.
Околу 19 часот и 35 минути во Единицата за информации и команда Скопје, возач во Јавното сообраќајно претпријатие Скопје пријавил дека на улицата „Алија Авдовиќ“ имало тепачка помеѓу две групи малолетници.
Притоа, едната група го каменувала автобусот со број 65-б, кој сообраќал на релација Транспортен центар-Брњарци, од што биле искршени четири стакла од вториот кат на автобусот.
Еден камен го пробил стаклото и удрил 15-годишник од селото Стајковци, скопско.
Во врска со настанот, во полициската станица Гази Баба биле приведени 20 лица од двете групи.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа