Полицијата упадна во две куќи во Тетово - четири лица приведени

Вчера, во периодот од 07:30 до 08:40 часот, со наредба од Основен Суд Тетово, полициски службеници од Секторот за внатрешни работи Тетово извршиле претрес во дом и помошни простории на 30-годишниот А.Р. на улица „Браќа Миладинови“ во Тетово. При претресот, на повеќе места во куќата била пронајдена наркотична дрога марихуана со вкупна маса од околу 500 грама, како и една вага со остатоци од марихуана. Пронајдените предмети биле одземени со потврда за привремено одземени предмети. А.Р. бил приведен во полициска станица и по целосно документирање на настанот против него ќе биде поднесена кривична пријава поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“ , казниво по член 215 од Кривичниот законик на Република Македонија.

Истиот ден во периодот од 07:30 до 09:00 часот, со наредба од Основен суд Тетово, полициски службеници од Секторот за внатрешни работи Тетово извршиле претрес во дом и помошни простори на 63-годишниот Ш.С., 52-годишниот С.С. и 23-годишниот Х.С.во село Мала Речица, тетовско. При претресот во куќата, кај С.С. бил пронајден пиштол „Црвена Застава“ калибар 7.62 мм и една рамка со осум куршуми, кои ги поседувал без дозвола. Пронајдените предмети биле одземени со потврда за привремено одземени предмети. Лицата се лишени од слобода и приведени во СВР Тетово за понатамошна постапка. По целосно документирање на случајот, против лицата ќе бидат поднесени соодветни поднесоци.