Малолетник од Велес со нож ограбил 11- годишно дете
Единаесетгодишно момче од населбата Градско, движејќи се кон Автобуската станица „Велес“, било пресретнато од непознат малолетник кој му се заканил со нож и му го побарал мобилниот телефон.
Според портпаролот на СВР Велес Верољуб Додевски, откако му го дало телефонот на разбојникот, преплашеното момче со трчање избегало кон автобуската станица.
Настанот се случил во петокот вечерта околу 17 часот.
- Вечерта околу 21.00 часот со брза интервенција на вработените полициски службеници од СВР Велес, телефонот е пронајден кај К.Ѓ. (33) од Велес и е вратен на сопственикот, информира Додевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
