Тепачка во скопско - полицаец нападнат при интервенција, едно лице заврши на Клиника

Во Секторот за внатрешни работи Скопје,  вчера во 11:30 часот било пријавено дека во село Таор-скопско дошло до нарушување на јавниот ред и мир помеѓу 23-годишниот С.Д., 32-годишниот Г.Д. и  63-годишниот Д.Д. од една и 65-годишниот Љ Д. од друга страна. 

При расправијата во еден момент С.Д. со секира замавнал кон Љ.Д., но не го погодил. Потоа Д.Д. и С.Д. физички го нападнале Љ.Д., по што тој се здобил со повреди и бил пренесен во комплексот клиники „Мајка Тереза“. При интервенција од страна на полициски службеници од Полициската станица Драчево, Д.Д. нападнал еден од полициските службеници.

Лицата се приведени во полициска станица и по целосното расчистување и документирање на случајот ќе биде поднесен соодветен поднесок.