Трагедија: Македонец почина во обид да го искачи Монт Еверест

Македонскиот планинар Георги Петков од Гевгелија почина вчера од срцев удар на Хималиаите во обид да го освои највисокиот врв Монт Еверест.

Веста е објавена на сајтот „Хималајан“, а е пренесена и на веб страницата на Планинарското друштво „Кожув“ од Гевгелија.

-63 годишен алпинист од југоисточна Европа почина додека се обидува да се искачи на највисоката планина во светот попладнево, објавија официјалните претставници на базниот логор.

-Во тек се напори за спуштање на неговото тело во долниот логор, додал Шерпа.

Доктор Георги Петков беше дел од експедицијата предводена од британскиот планинар и лидер за комерцијална експедиција, Тим Мосејдеј.