Експлозија во Куманово: Оштетени прозори и ѕид на куќа

Синоќа, во 3 часот и 30 минути во Полициската станица Куманово, 26-годишниот М.Ц. од Куманово пријавил дека додека спиел слушнал детонација на терасата од првиот кат од сејмената куќа.

Од експолизијата настанале штети во домот -  било скршено прозорското стакло, а била оштетена ролетната и ѕидот. За среќа, нема повредени лица.

Увид на местото извршила екипа од СВР Куманово. Од местото биле подигнати фрагменти од бомба-кашикара за вештачење. 

Полицијата презема потребни мерки за брзо расчистување на целиот случај.