Возачот избегал, а нив ги оставил во возило - македонската полиција најде мигранти
Полицијата пронајде пет Пакистанци и Индиец во автомобил што по бегство од полицијата бил оставен од возачот на влезот на село Речица.
На регионалниот пат село Речица - село Ваксинце ноќеска во 00:50 часот полициски службеници дале знак за сопирање на патничко моторно возило „Опел Синдра“, но автомобилот не запрел и се упатил кон село Речица.
- Возилото е пронајдено оставено покрај патот на влезот во селото, а возачот го напуштил местото на настанот. Во возилото се пронајдени пет лица од Пакистан и едно лице од Индија, по што се приведени и предадени во СВР Куманово за понатамошна постапка, информира Министерството за внатрешни работи во деневниот Билтен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
