Драма во Тетово: Влегол со автоматска пушка, го нападнал обезбедувањето и им го земал автомобилот
Вчера околу 09 часот и 46 минути било пријавено дека во Тетово на улица „109“ непознато лице кое дошло со скутер и вооружено со автоматска пушка одзело возило на Агенција за обезбедување.
Имено, 31- годишниот А.Д од село Брвеница, и 26- годишниот С.С вработени во Агенција за обезбедување на објекти и лица со возило носеле парични средства за потреби на маркети. Притоа откако А.Д. влегол во продавница на улицата “109“, во истиот момент напаѓачот прво го удрил совозачот С.С. и потоа го стратувал возило и се упатил во непознат правец, се вели во соопштение од МВР.
По преземени мерки возилото било пронајдено на улицата „Видое Смилески-Бато“, а од извршениот преглед на возилото констатирано било дека била одземена една торба во која имало пари од прометот кој претходно бил собран.
Се превземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
