Тепачка пред бензинска во Скопје: Две лица нападнати со нож - двајца уапсени

Денеска во 00:05 часот во угостителски објект лоциран на бензиската пумпа на булевар „Србија“, поради претходна расправија дошло до нарушување на јавниот ред и мир, помеѓу 31-годишниот А.У., 29-годишниот А.Т. и 28-годишниот А.М. сите од Скопје, од една страна и 18-годишниот М.Б. и 17 годишна девојка, двајцата од Скопје, од друга страна. 

Во тој момент, М.Б. се јавил на 21-годишниот Е.Д. од село Кондово и 23-годишниот Р.И. од село Сарај, кои биле во близина и веднаш пристигнале во објектот.

Кога сите лица го напуштиле објектот, пред бензиската пумпа, М.Б., Р.И. и Е.Д. го нападнале А.У. и А.Т., при што Р.И. со нож им нанел повреди. Повредените лица се пренесени во Комплекс клиники "Мајка Тереза" каде им биле констатирани телесни повреди и се задржани на понатамошно лекување. По нападот, напаѓачите со патничко моторно возило го напуштиле местото на настанот и направиле сообраќајна незгода со друго возило.

Во полициската станица во Аеродром приведени се Р.И. и Е.Д., а полицијата работи на расчистување на случајот.