Нападнати полициски службеници во Битола - две лица уапсени

Полициски службеници кои извршувале службено дејствие вчера околу 10:10 часот утрината биле нападнати од две лица.

Имено, на улица „Филип 2-ри Македонски“ во Битола, додека неколку полициските службеници вршеле службено дејствие од областа на безбедноста во сообраќајот и преземале службено дејствие отстранување на товарно моторно возило кое било непрописно паркирано, 27-годишниот З.А. и 24-годишната С.А, од село Баница, струмичко, застанале пред возилото и го спречувале отстранувањето на возилото. Двете лица започнале да ги омаловажуваат полициските службеници, при што С.А физички нападнала еден службеник на кој му е укажана лекарска помош во Клиничка болница Битола. Лицата се приведени во полициската станица Битола за понатамошна постапка.