Маж „оперирал“ низ Скопје - бешумно протнувал рака во чанта и крадел мобилни

Секторот за внатрешни работи Скопје до надлежното Основно јавно обвинителство во Скопје поднесе кривична пријава против 68-годишниот С.Џ. од Скопје, поради основи на сомнение дека извршил две кривични дела „кражба“ (џебна) предвидено и казниво по член 235 став 1 од КЗ на РМ.

Имено, првото дело го извршил на 22 мај во автобус на ЈСП број 2 додека второто дело го извршил на 02 јуни во месара во трговски центар „Бисер". Кривичните дела ги извршил на тој начин што во двата случаи откако ги забележал оштетените, незабележан од никого со протнување на раката во нивните чанти ги одземал нивните мобилни телефони и без да биде забележан од никого истиот се упатил во непознат правец.