Повеќе инциденти синоќа во Скопје

Околу 09,30 часот во Секторот за внатрешни работи Скопје било пријавено дека на улица “Јужен булевар“ во објект во изградба од страна на 46-годишниот Н.Р. и неговиот син Б.Р.(20) физички биле нападнати Е.Р.(43) и Е.Р.(37).

По преземени мерки поднесени се два записника  за констатиран прекршок по член 12 од Законот за прекршоци против јавниот ред и мир.

Вчера во Скопје на улица „Методија Шаторов Шарло“, по вербална расправија за паркинг место, помеѓу З.Д.(52) и  Т.М.(24) двајцата од Скопје, T.M. со нож му упатувал закани по животот на З.Д., T.M. бил приведен во полициска станица. Се преземаат мерки за целосно расчистување на настанот.

Исто така, Ѓ.Д.(43) од Скопје пријавил дека околу 23.30 часот, додека се движел по  улица „Методија  Митевски“,  физички бил нападнат од неколку непознати лица. Се преземаат мерки за пронаоѓање на сторителите и за целосно расчистување на случајот. 

Во 07.30 часот во Полициската станица Карпош, Ф.Д.(35) од Скопје пријавил дека истиот ден околу 03.00 часот во близина на една дискотека во Градски парк,  бил физички нападнат од две непознати лица. Се преземаат мерки за пронаоѓање на напаѓачите и за целосно расчистување на случајот.