ГДУ: Граѓаните сакаат подобри плати, образование и здравство, а не прослави

Изгледа малку беше чочекот во тунелот, па сега ќе се направи еден сенароден чочек. Оти сепак НАТО е повеќе од еден автопат. Што треба да очекуваме кога официјално ќе влеземе во ЕУ и НАТО?, велат од ГДУ.

„Прво да прославиме, а реформите и подготовките за референдумот можат да почекаат. Граѓаните се бунтуваат, музичарите се чудат, а Владата, онаа што се фалеше дека е ‘најтранспарентна’, си молчи. Договорите со изведувачите ги склучиле пред еден месец кога сè уште не се знаеше резултатот од Брисел, а Поповски и Бошњаковски уште не пресметале колку ќе чини славењето. Овој евтин пиар многу наликува на еден пиар од едно блиско минато“, порачаа од ГДУ.

Според нив, граѓаните сакаат подобра иднина, граѓаните бараат правна држава, институции во кои ќе веруваат, поголеми плати, подобро образование, подобро здравство, а не прослави, порачаа од ГДУ.