ВМРО-ДПМНЕ: Блиндираниот „мерцедес“ е поевтин од цвеќето на Владата
Време е криминалниот картел да си замине од власт. Граѓаните немаат обврска да им плаќаат цвеќиња и кафиња во вредност од 700.000 евра. Граѓаните немаат обврска да им плаќаат тури по грчките плажи на децата на функционерите со службени возила, се вели во реакцијата на ВМРО-ДПМНЕ.
Според партијата, СДСМ нема одговор за аферите и скандалите со јавните набавки и расипништвото за личните луксузи.
„Панично правдајќи ги 700 илјади евра за цвеќе и кафе, ги споредуваат со набавката на владиниот ‘мерцедес’. Точната споредба вели дека блиндираниот ‘мерцедес’ е поевтин од цвеќето и дека во него се возат Заев и неговите гости. Власта не кажува дека ги задолжи граѓаните со 700 илјади евра за дел од болницата во Штип, а сега исто толку дава само за цвеќиња. Кланот на власт треба да одговори до каде е продажбата на ‘мерцедесот’ во кој сега се вози нивниот лидер, но и дали ќе инсистира на цвеќе на сметка на нов загубен живот во здравството?“, се додава во реакцијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
