Не ја пуштал: Девојка натепала вратар во скопска дискотека

Ноќеска околу 01.00 часот во Полициската станица Карпош, С.А.(35) од Скопје, вработен како обезбедување во дискотека на булевар „8-ми Септември“, пријавил дека неколку минути претходно, пред дискотеката физички бил нападнат од непознато женско лице.

Тој не и дозволил да влезе затоа што имала забрана за влез во дискотеката бидејќи порано правела проблеми и ги вознемирувала гостите, по што таа физички го нападнала.

Се преземаат мерки за расчистување на случајот - информираат од МВР потврдувајќи ја информацијата.