Ѓорчев: Народот е незадоволен, имаме фијаско на СДСМ

Ќе го порачаме она што го мислат огромното мнозинство на граѓани на Република Македонија, а тоа е дека работите не се движат во вистинска насока, дека граѓаните се разочарани, загрижени за иднината, дека огромен број на луѓе кои што имале некоја надеж во оваа влада после година и пол, две се едноставно разочарани и ќе го артикулираме она што огромниот број на луѓе во Македонија го има како мислење а тоа е дека народот е силно, силно приврзан кон уставното име на Република Македонија и дека луѓето се не задоволни од економските движења, изјави Влатко Ѓорчев, член на Извршниот комитет на ВМРО-ДПМНЕ во денешното гостување во централниот дневник на Сител телевизија.

Според него, во Република Македонија нема ниту еден економски индикатор кој се подобрува, нагласувајќи дека граѓаните живеат се полошо и полошо.

Ѓорчев ги повика сите граѓани кои се незадоволни од актуелната власт и целокупната политичка и економска ситуација да се придружат на протестот и да излезат да го искажат својот револт.

-Граѓаните се иселуваат особено младите како никогаш досега и цел корпус на проблеми. Ги повикуваме сите, не само од ВМРО-ДПМНЕ туку и оние кои што се неопределени, значи сите оние кои што ја имаме при срце Република Македонија. Но, исто така и оние кои што се незадоволни од актуелните политики да дојдат и да бидат овде или да најдат начин да не подржат во оваа наша заложба, вели Ѓорчев.