Стевананџија: Очекував да ги разрешите министрите кои не одат на работа и не ги интересираат граѓаните

Очекував наместо Аксел Ахмедовски да ги разрешите министерот кој не оди на работа и тој што не го интересираат граѓаните, рече пратеникот на ВМРО-ДПМНЕ Димитар Стевананџија на пленарната седница за предлогот на Владата да бидат разрешени министрите без ресор Ахмедовски и Аднан Ќахил.

– Самиот изјавивте дека не сте задоволни што министер не доаѓа на работа. Очекував дека тој ќе биде разрешен и министерот кој не е заинтересиран за граѓаните – рече Стевананџија, алудирајќи на вицепремиерот за Рамковен договор Хазби Лика и министерот за животна средина Садула Дураку.