Петров: Многу ме нервира наративот дека воздухот е проблем на СДСМ

Проблемот со загадувањето е проблем на сите, а не само на одредени политички партии, рече потпретседателот на СДСМ, Коста Петров во своето вечерашно гостување во емисијата „200“ на Алсат.

„Сметам дека воздухот е проблем на сите. Мене многу ме нервира наративот дека воздухот е проблем на СДСМ, воздухот е проблем на ВМРО…не! За одредени работи, како воздухот, треба сите заеднички да седнеме и да кажеме, – да, проблем е, да реагираме и да покажеме проактивност. Постојат одредени теми за коишто мора да има консензус од сите политички партии. Тоа е воздухот, зголемена минимална плата, тоа се работи од коишто имаат бенефит сите граѓани и тука сметам дека воопшто не треба да има никакви политички препукувања“, рече Петров.