ВИДЕО: Детали за големиот пожар во Карпош 4 кој се гаси и со авион

Голем пожар претпладнево избувна во просториите на поранешно Макотекс во Карпош 4 во близина старата Македонска телевизија.

Според наши информации, гори објект кој во минатото бил трафика, а сега се користи како магацин во кој е складирана пластика која се користи во градилиштето. Но во близина се наоѓаат и неколку сервиси, но и простории кои се користат од скопските музичари, генерално за музички проби и студија.

Во опасност е и станбена зграда која е во непосредна близина на објектот кој во моментот е во пламен. Интервенираше и ер-трактор на Дирекцијата за заштита и спасување кој фрли вода врз огнот. 

До овој момент нема информации за евентуални повредени во огнената стихија.