Го консумирал и големиот Марк Твен: 4 состојки за напиток на база на виски кој ќе ви ги згрее коските и опушти мускулите

Овој коктел ќе ви ги згрее коските и ќе ви ги опушти мускулите, а најдобро е полека да го испиете пред спиење. Тоа го правел познатиот американски книжевник Марк Твен, секоја вечер пред да си легне во кревет.

„Hot Toddy“ е вкусен и едноставен зимски коктел кој што е исклучително популарен во Америка, но и во Ирска каде што го нарекуваат „жешко виски“.

Основниот рецепт се состои само од 4 состојки - врела вода, виски, мед и лимон, но во него може да додадете и разни зачини - како ѓумбир, каранфилче или пак цимет.

Овој коктел ги загрева коските и ги опушта вашите мускули, па најдобро е да го пиете пред спиење.

За неговата подготовка не треба да имате ниту шејкер ниту пак многу време.

Состојки:

- 180 милилитри топла вода;

- 45 милилитри виски; 

- 2-3 лажици мед; 

- 2-3 лажици лимонов сок; 

- едно парче лимон за декорација; 

- 1 стапче цимет за послужување (по желба). 

Подготовка:

1. Загрејте ја водата, а потоа ставете ја во поголема шолја.

2. Во врелата вода додадете го вискито, медот и лимоновиот сок, па помешајте. 

3. Послужете со стапче цимет по желба и парче лимон.  

Наздравје!