Неверојатно откритие на научниците: Под земјината кора откриен мистериозен океан три пати поголем од оние на Земјата

По децении истражување, научниците открија дека можеби има огромен резервоар на вода, три пати поголем од постоечките океани, заробен на стотици километри под површината на земјата. Ова откритие потенцијално го менува разбирањето за тоа како е формирана нашата планета.

Геофизичарот Стив Јакобсен од еминентниот Американски универзитет, коавтор на студијата објавена во списанието „Science“, вели дека ова откритие сугерира дека водата на Земјата може да доаѓа од внатре, донесена на површината со геолошка активност, а не од удари на ледените комети кои влијаеле на формирањето на планетата, како што се верувало.

„Геолошките процеси на површината на Земјата, како што се земјотресите или вулканските ерупции, се израз на она што се случува внатре во самата Земја, надвор од нашиот вид. Мислам дека конечно имаме докази за целиот воден циклус на Земјата што може да ја објасни огромната количина на вода на површината на нашата планета. Научниците ја бараат оваа изгубена длабока вода со децении“, рече Јакобсен.

Јакобсен и неговите колеги се првите кои дадоа директен доказ дека може да постои вода во дел од Земјата познат како „прелазна зона“. Тие ги базираат своите наоди на истражување на огромен подземен регион низ САД.