Вујкото на киднапираните момчиња: Хамас намерно ги горел, сакал да ги обележи

Вујкото на двајцата браќа тинејџери, кои беа ослободени од Хамас на 27 ноември, рече дека милитантите намерно ги гореле децата за време на нивното заробеништво. Јанив Јаков, вујко на 16-годишниот Ор Јаков и неговиот брат, 13-годишниот Јагил Јаков, изјавија дека децата добиле изгореници откога членовите на Хамас им ги држеле нозете на издувните цевки на мотоциклите.

„Децата ни кажаа низ што поминуваат. Ова се страшни приказни. Особено ме шокира кога рекоа дека милитантите ги зеле на мотор и им ги ставиле нозете на издувот за да се изгорат. На тој начин сакале да ги обележат во случај да побегнат за да можат да ги најдат“, рече Јаков, а пренесува Си-ен-ен.

На 7 октомври членовите на групата Хамас ги киднапираа момчињата, татко им Јаир Јаков и партнерката на Јаир од кибуцот Нир Оз. Повеќе од една четвртина од заедницата на кибуцот беа убиени или одведени во заробеништво за време на нападот на Хамас. Таткото на момчето останува затворен во Газа, а неговата партнерка Мерав Тал беше ослободен на 28 ноември.