Завршни зборови на одбраната за автобуската несреќа кај Ласкарци
Со завршни зборови на одбраната, во Основниот кривичен суд во Скопје денеска треба да продолжи судењето за автобуската несреќа кај селото Ласкарци, во која животот го загубија 16 лица, а над 30 беа повредени.
Како што е најавено, завршен збор треба да даде одбраната на четвртообвинетиот, Горан Дуковски, петтообвинетиот, Јане Боварски, и шестообвинетиот Маноил Трифуновски.
На минатото рочиште, завршни зборови даваа бранителите на второобвинетиот Ремзи Мифтари и третообвинетиот Игор Ѓорѓиевски.
Завршни зборови на изминатата расправа даде јавниот обвинител, Дарко Јакимовски, но и бранителите на првообвинетиот, сопственик на „Дурмо Турс“, Дурмиш Белули.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
