ВИП шверц на мигранти: Kриумчари наплаќале по 6.000 евра по мигрант и ги возеле со глисер
Италијанската полиција денеска соопшти дека уапсила 12 лица осомничени за наводно брзо шверцување на најмалку 73 илегални мигранти од Тунис.
Криумчарите возеле глисери од Тонис до Марсала на островот Сицилија во периодот меѓу јуни и септември минатата година, се вели во соопштението на полицијата, опишувајќи ги акциите како „ВИП патувања“, објави Ројтерс.
Меѓу 12-те уапсени има шест државјани на Италија и Тунис, а во акцијата учествувале Европол и италијанската единица за борба против мафијата.
Инспекторите идентификуваа поранешен туниски полицаец како шеф на мрежата за шверц на луѓе.
Шверцерите превезувале релативно мали групи луѓе, до 20 лица по возење, а на секој поединец му наплаќале до 6.000 евра.
Податоците на ЕУ покажуваат дека помалку од 100.000 илегални мигранти стигнале до Европа во 2020 година, но таа бројка се искачи на 250.000 минатата година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
