Хамас: Коментарите на Блинкен покажуваат пристрасност кон Израел, тоа е пречка за мирот

Високиот функционер на Хамас, Сами Абу Зухри, изјави за Ројтерс дека коментарите на американскиот државен секретар Eнтони Блинкен за примирјето во Газа се „пристрасни кон Израел“ и дека таквиот став е пречка за постигнување договор за прекин на огнот.

„Говорот на Блинкен за време на неговата посета на Египет е пример за пристрасност кон Израел и нуди американско покривање за холокаустот извршен од окупацијата во Газа“, пренесува новинската агенција.

Зборувајќи по состанокот со египетскиот претседател Абдел Фатах ал-Сиси во Каиро, Блинкен претходно рече: „Мојата порака до владите ширум регионот, до луѓето од целиот регион е дека ако сакате прекин на огнот, притиснете го Хамас да каже „да“.

Хусеин Хариди, поранешен помошник-министер за надворешни работи на Египет, за „Ал Џезира“ по посетата на Блинкен на неговата земја изјави дека Египет и САД имаат идентични патокази за ставање крај на израелската војна во Газа.

„Со нетрпение очекуваме да се координираме со САД за да продолжиме напред и да ја доведеме оваа војна до крај, бидејќи суштината е дека оваа војна во Газа мора да заврши“, изјави американскиот државен секретар Ентони Блинкен по посетата на Каиро.

„Тоа е заклучокот на претседателот Бајден, и е идентичен со египетската позиција“, додаде тој.

„Целите на американската патна карта – ослободување на заложниците, зголемување на хуманитарната помош во Газа, а потоа и траен прекин на огнот, со целосно повлекување на израелските сили во Газа – тоа се цели што ги споделува Египет“, заклучи тој.