Андоновски: Потребни ни се жени ИКТ професионалци

Беше вистинско задоволство да се обратам на министерската конференција на Управувачките платформи на Западен Балкан за образование, обука, истражување и иновации во Скопје. Настанот беше одлична можност да ја истакнам важноста на дигиталната трансформација за напредокот на нашата земја и регионот, напиша на Фејсбук министерот за дигитална трансформација Стефан Андоновски.

Во објавата тој додава дека дигиталните вештини и иновациите се клучни за напредокот на нашето општество и економија.

„Мора да целиме кон 80% од возрасното население да имаат основни дигитални вештини и значително да го зголемиме бројот на ИКТ професионалци, со посебен фокус на жените во оваа област.

Овој состанок е важен чекор кон подлабока соработка со ЕУ во областите на иновации, истражувања и образование. Заедно со присутните, дискутиравме за клучната улога на Европската истражувачка област и Европската агенда за иновации во нашиот иден развој“, се дополнува во објавата на министерот Андоновски.