Прво па машко, Икер Касиљас доби син

Икер Касиљас го доби најубавиот новогодишен подарок. Тој и неговата сопруга, спортската новинарака Сара Карбонеро вчера добија син кој го крстија Мартин.

„Сакам со вас да го споделам најважниот и најемотивниот момент во мојот живот, раѓањето на мојот син“ – изјави Икер за јавноста.

Според  информациите од шпанските медиуми, бебето со тежина од 3.850 грама, било родено со царски рез и тоа и мајка му се во одлична здравствена состојба.

Раѓањето на првото дете на шпанскиот голман, беше причината поради која вчера голманот на  „кралскиот клуб“ не отиде на пријателскиот натпревар против ПСЖ.