Вечерва во ЛШ гигантите на мегдан - „граѓаните“ ќе бркаат победа протв Барса

Вечерва продолжуваат возбудувањата во фудбалската лига на шампиони меѓу екипите на Барселона и Манчестер Сити и Пари Сен Жермен и Баер Леверкузен, мечеви кои се играат во рамките на осминафиналето во европското натпреварување. 

БАРСЕЛОНА – МАНЧЕСТЕР СИТИ (2:0 прв меч)

Каталонскиот тим Барселона во првиот меч славеше со 2:0 на гостински терен против Манчестер Сити па оттука може да се каже дека веќе со едната нога е во четвртфиналето. 

Но премирлигашот и како тоа досега покажал против големите гиганти дека може да биде опасен на гостински терен, а како потврда за тоа може да се напомене на последното гостување во Лигата на шампиони кога со 2:0 го совлада Баерн Минхен со 3:2.

Покрај тоа, Барселона во последно време не е стабилна, а доказ за тоа е поразот од Ваљадолид во Примера, па можеби тоа може да претставува мотив за англискиот тим, иако и Сити доживеа елиминација од Виган во ФА Купот.

Меѓусебни дуели:

Манчестер Сити – Барселона 0:2

Барселона – Манчестер Сити 0:1(пријателска)

ПСЖ – БАЕР ЛЕВЕРКУЗЕН (4:0 прв меч)

Вториот меч го играат Пар Сен Жермен и Леверкузен. Французите првиот меч го добија со високи 4:0.

Доколку тоа не ги сруши соништата на фудбалерите на германскиот тим, тогаш податокот дека ПСЖ не е поразен на домашен терен во европските купови од 2006-та година дополнително ќе ги демотивира. Судејќи според сите статистички податоци Баер Леверкузен во Париз патува само туристички.

Во тимот на Баер ќе го нема стоперот Спахиќ кој е суспендиран, како и повредените Јенс Хегелер и Роби Крус. За ПСЖ од првата минута би можел да настапи опоравениот напаѓач Единсон Кавани.

Меѓусебни дуели:

Баер Леверкузен – ПСЖ 0:4