Грциja го одбележува националниот празник- ослободувањето од турскa власт
Грција денеска со воена парада во Атина го одбележува својот национален празник - ослободувањето од турскa власт и создавањето независна грчка држава.
Годишнината од грчкото востание против турските поробувачи во 1821 година вчера беше одбележена со ученички манифестации во Атина, Солун и другите поголеми градови во земјата.
Грција има потреба од план за конечен излез од кризата, се наведува во пораката на претседателот Каролос Папуљас по повод празникот а премиерот Андонис Самарас порача дека за неколку години Грција ќе биде посилна од било кога порано.
Грците својата независност ја извојувале во 1829 година, но за Ден на независноста и за свој национален празник го избрале 25 март 1821 година (Благовештение).
На овој датум митрополитот на Патра, Германос, го крева грчкото знаме и овој ден се смета за почеток на борбата против Турците, што резултирала со победа осум години подоцна.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
