Во престрелка повредени тројца косовски полицајци

Тројца припадници на Косовската полиција се повредени синоќа во пукотница во општина Зубин Поток во северниот дел на Косово.

Еден од повредените е пренесен во болница во Косовоска Митровица, а останатите двајца побарале лекарска помош во Зубин Поток, пренесува Танјуг.

Директорот на здравствениот центар Милан Ивановиќ изјави дека во пукотница во близина на Зубин Поток повреден е Оливер Кузмановиќ, кој се здобил со повреди на градниот кош и стомакот.

Косовските медиуми јавуваат дека во пукотницата кај Зубин Поток се повредени полицајци од српска националност, припадници на пограничната полиција.