Сан Антонио со едната нога веќе во полуфиналето на Запад

На само една победа до пласман во полуфиналето на плеј-офот во Западната конференција се наоѓаат кошаркарите на Сан Антонио по победата над Далас од 109:103.

Најзаслужни за победата на „спарси“ беа Тони Паркер со 23 и Ману Џинобили со 19 поени. Кај Далас се истакнаа Винс Картер со 28 и Дирк Новицки со 26 реализации.

На чекор до конференциско полуфинале во НБА плеј-офот се наоѓа и Торонто кој ноќеска славеше против Бруклин со 115:113.

И на третиот ноќешен НБА натпревар победа забележа домашната екипа. Хјустон со 108:98 го порази Портланд и остана во игра за следната фаза. Моменталниот резултат е 3-2 за Портланд во серијата прв до четири победи.

Три натпревари ќе се одиграат и вечерва: Атланта - Индијана (3-2 во победи), Мемфис - Оклахома (3-2) и Голден Стејт - ЛА Клиперс (2-3).