Таткото на убиената Ема Кобиљски јавно им се обрати на родителите на монструмот Коста – овие зборови болат

Ема Кобиљски трагично го загуби животот на 3-ти мај кога на час по историја во ОУ „Владислав Рибникар“ ја уби соученикот Коста Кецмановиќ.

Нејзиниот татко Драган Кобиљски сега на својот Фејсбук профил ги објави наводите дека семејството Кецмановиќ сака да даде донација за меморијалниот центар што се планира да се изгради.

-Сè уште не можам да го разберам обидот за релативизирање на грозоморното злосторство од страна на Кецмановиќ и нивниот адвокат Ивеља, изразувајќи ја навидум желбата на семејството Кецмановиќ да даде донација за меморијалниот центар на застреланите деца. Тоа ни го кажуваат преку адвокатите, луѓе кои не се ни појавиле да ги споделат нашите најдлабоки страдања, што уште еднаш го потврди целосното отсуство на сочувство и општествена одговорност. Ми преостанува само да ги смирам и да им порачам: „Веќе се изјаснивме дека ќе ги издвоиме сите можни обештетувања за хуманитарни цели, за да не се грижите за донацијата за општествено добро. Кога станува збор за меморијалниот центар, направивте повеќе од доволно, бидејќи без вас меморијалниот центар не би постоел. Вие сте целосно одговорни за него, затоа бидете спокојни“, напиша Кобиљски.