Викторија со емотивна објава му ја честиташе титулата Сер на Бекам

Англискиот фудбалер Дејвид Бекам ја доби титулата витез според која, по честа што му ја даде кралот Чарлс, тој сега е Сер Дејвид Бекам, а неговата сопруга Викторија му испрати посебни честитки за ова назначување.

На својот Инстаграм профил, Викторија му посвети емотивна објава на Дејвид со заедничка фотографија.

-Отсекогаш си бил мој витез во сјаен оклоп, а сега е официјално. Каква чест, не би можела да бидам погорда на тебе. Твојата посветеност на работите што се најважни – твојата земја, твојата работа, твоите страсти и твоето семејство никогаш не се поколебала. Начинот на кој си допрел толку многу животи низ годините со твојата љубезност и понизност кажува многу за тоа каква личност си и продолжува да нè инспирира секој ден. Пред сè, многу сум горда што те нарекувам мој. Те сакам толку многу, напиша Викторија.