Вработените на факултетот „Јустинијан Први“ се простуваат од проф. д-р Татјана Петрушевска

Вработените од Правниот факултет „Јустинијан Први“ -Скопје, се простуваат од проф. д-р Татјана Петрушевска, една од најпознатите професорки на Правниот факултет.

„ПОСЛЕДЕН ПОЗДРАВ

на нашата почитувана професорка и колешка

ПРОФ. Д-Р ТАТЈАНА ПЕТРУШЕВСКА

редовен професор на Правниот факултет „Јустинијан Први“ во Скопје  на Институтот за меѓународно право и меѓународни односи

1967-2022

Со заминувањето на проф.д-р Татјана Петрушевска, Правниот факултет изгуби почитувана колешка и особено ценета пријателка, извонреден интелектуалец, посветен наставник и одличен педагог.

Ќе останат во вечно сеќавање нејзиниот богат творечки опус, професионализмот карактеристичен за нејзината работа, ведрината и позитивната енергија со која зрачеше и хуманиот однос кон студентите и вработените на Факултетот. 

Посмртните останки на проф.д-р Татјана Петрушевска ќе бидат изложени во капелата на Градските гробишта во Бутел на 13.10.2022 година (четврток) од 12,30 до 13,30 часот.

Од вработените на Правниот факултет „Јустинијан Први“ - Скопје“, стои во објавата на „Правниот Факултет Јустинијан Први Скопје“.