Затворени училиштата во Лос Анџелес поради пожарот, без струја над 220.000 корисници
Канцеларијата за образование на округот Лос Анџелес соопшти дека училиштата во 19 окрузи во тој дел на Калифорнија денеска се затворени поради ширењето на пожарот.
На повеќе од 30.000 луѓе им е наредено да се евакуираат во Јужна Калифорнија откако избувна шумски пожар во населбата Пацифик Палисадес во близина на Лос Анџелес, кој досега остави една жена пожарникар тешко повредена, а неколку други со изгореници објави ABC News.
Најмалку 220.916 корисници се без струја во округот Лос Анџелес поради пожарот, кој зафати повеќе од 2.900 хектари земја.
Како што е соопштено, поради силните ветрови во Санта Ана, пожарот во Пацифик Палисадес се шири со брзина од пет фудбалски игралишта во минута.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
