Жестока расправија во Ѕвездите на Гранд: На Цеца и довикуваа да му удри шамар на Саша Поповиќ

На музичкиот натпревар „Ѕвездите на Гранд“ често има многу тензии, особено поради гласањето на членовите на жирито.

Често доаѓа до жестоки расправии меѓу нив, а сега во ова шоу се скарале Саша Поповиќ и Цеца Ражнатовиќ, а сѐ започнало со жалбата на Марија Шерифовиќ за тоа како гласаат Цеца и Вики Миљковиќ.

– Осум години гласам како што мислам, за разлика од многумина овде. Никого не гушкам ниту бакнувам, со сите колеги сум во добри односи. Како што слушам, така гласам – рече Марија, на што веднаш интервенираше Саша:

– Еве го вашиот клан, тоа сите го знаеме, Вики и Цеца – додаде тој, на што Ражнатовиќ збесна, стана од столчето и почна да вика на креативниот директор на „Гранд“.

– Ова навистина нема смисла. Многу е грдо тоа што го кажа сега. На што личи тоа? – беснееше Цеца.

– Удри му шамар – се замеша Вики.

– Ти си првиот што доаѓаш на мојата маса кога има пауза и зборуваш за клановите и кажуваш дека нема смисла како гласаат Цеца и Вики – рече Поповиќ, на што Марија рече:

– Сега лажеш! Но, факт е дека тие постојано гласаат еден за друг.

Ражнатовиќ продолжи да му вика на Поповиќ, па посочи дека и таа, како и сите други, има право да гласа како што сака, без ниту еден од колегите да ја прозива поради нејзините гласови.

– Тука воопшто не коментирам други кланови. Ниту ми е грижа. Како што вели Марија, гласа за кого сака, тоа е нејзино апсолутно право. И мое апсолутно право да гласам за кого сакам. Не гледам дека во овие три години навредив некој кандидат, кажав грд збор или се сопнав со гласови. Мое право е за кого ќе гласам. И никој нема право поради тоа да ме ме прозива на грд начин. Стојам со моето име и презиме во овој формат овде и се покажувам како што сакам да се покажам. Отсега можам да гласам за сите, бидејќи така слушам и тоа е мое право – рече таа.

– Сале, цару, фала му на Бога што предизвика реакција кај Светлана да вика, да се кара, да напаѓа. Тоа Цецо. Тоа го чекав три години – изјави Поповиќ.

– Овде само се бранам од ниски напади. Значи овде секој има право и се брани со своето право, а јас немам право – заврши Цеца.