Автобус падна во длабока клисура во Индија: Најмалку 15 загинати

Патнички автобус излетал од патот во северна Индија и паднал во длабока клисура, при што загинале најмалку 15 луѓе, а повеќе од 25 се повредени, соопштија властите.

Несреќата се случила во областа Алмора во државата Утараханд.

Во автобусот имало повеќе од 40 луѓе, а досега се пронајдени 15 тела, изјави локален претставник.

Спасувачите се на терен, а се стравува дека бројот на жртви може да се зголеми бидејќи на местото на несреќата се уште има луѓе заробени.