Нетанјаху: Ова е почеток на крајот за Хамас

Израелскиот премиер Бенјамин Нетанјаху вчера изјави дека десетици милитанти на Хамас им се предале на израелските сили во последните денови, што го покажува „неуспехот на Хамас“.

„Во изминатите неколку дена десетици терористи на Хамас им се предадоа на нашите сили. Го положија оружјето и им се предадоа на нашите храбри борци. Ќе биде потребно повеќе време, војната се уште е во полна сила, но ова е почеток на крајот на Хамас“, рече Нетанјаху.

„Им велам на терористите на Хамас – готово е. Не умирајте за Јахја Синвар. Предадете се што е можно поскоро“, додаде тој.