Грците не запираат - уште еден Македонец се врати со оштетено возило

Уште еден случај на оштетено возило на македонски државјанин во Грција е пријавен синоќа на граничниот премин „Стар Дојран“.

Случајот е пријавен од страна на скопјанецот Т.Д. чие возило „форд ескорт“ било оштетено во средата во Неа Каликратија. Било искршено задното стакло од десната страна на возилото.

- Со овој нов случај на оштетувања,  бројката на оштетени возила годинава достигна вкупно шест, а досега се регистрирани и тринаесет кражби на регистарски таблички со што забележуваме континуитет на проблеми од ваков карактер со кои мошне често се соочуваат македонските туристи во Грција, се наведува во соопштението на МВР.