Хашкото обвинителство бара Шешељ да се врати во притвор

Во барањето обвинителството констатира дека Шешељ со своето однесување во Србија го „поткопал“ духот на одлуката за привремено ослободување, кое на сопствена иницијатива од „хуманитарни причини“ ја донесе судскиот совет на Хашкиот трибунал.

Обвинителството со тоа бара одлуката да биде повлечена и на Шешељ да му биде наложено да се врати во Хаг. А, дури потоа да се одржи расправа околу неговата здравствена состојба и условите под кои евентуално би можел повторно да биде ослободен.