Градоначалникот Латиновски ќе го посети новото ОУ „Живко Брајковски“
Градоначалникот на општина Бутел Петре Латиновски денеска ќе го посети новото основно училиште „Живко Брајковски“ чија изградба е во завршна фаза.
Објектот, со вкупна површина од 5.000 метри квадратни и со капацитет за 900 ученици, треба да биде готовдо почетокот на новата учебна година, 1-ви септември.
За првата фаза од изградбата на училиштето (до карабина) од буџетот на Општина Бутел беа издвоени околу 45.000.000 денари, а за втората е обезбедено кредитно финансирање од Светска банка преку проектот за подобрување на општинските услуги, преку проектната единица на Министерството за финансии.
Изведувач на работите за комплетно завршување на училишната зграда и нејзиното партерно уредување е претпријатието „Вардарградба“ ДОО Скопје. Висината на кредитните средства се во износ од 66.486.259 денари или 1.081.077 евра.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа