Синоќа драма на Партизанска: Го ограбиле но не виделе кој стои пред нив
Во 23 часот и 15 минути синоќа на булеварот „Партизански Одреди“ во Скопје, две непознати лица извршиле разбојништво врз 43-годишниот А.Џ. од Скопје. Едното лице му одзело чанта во која имало околу 400.000 денари по што побегнало, а другото лице не успеало да избега бидејќи во близина на местото бил фатен од полициски службеник кој не бил на должност.
Тој го привел во Полициска станица Центар. Приведеното лице е 18-годишниот С.А. од Скопје. Во врска со истиот настан, денеска од слобода бил лишен и 24-годишниот Ш.П. од Скопје.
СВР Скопје презема мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа