Левица повикува на граѓански отпор и најавува протести пред Собранието

Политичката партија Левица најавува дека во иднина се враќа на улиците и ќе ги искористи сите парламентарни и вонпарламентарни начини на политичка борба, со цел враќање на киднапираниот суверенитет на народот! Обзнануваме дека во секоја наредна фаза на гласањето на контроверзните уставни промени ќе бидат организирани масовни антивладини простести под мотото #НароднаСамоодбрана, пред законодавниот дом, во кој седат гробарите на АСНОМска Македонија!, велат од Левица.

„Секојдневни радикални политички акции, во координација со сите засегнати политички чинители кои се против промена на уставното име, ќе бидат систематски преземани низ територијата на целата Република. Ги повикуваме сите прогресивни сили да ни се приклучат кон движењето, сè до конечната победа. Кога неправдата станува закон, Отпорот е наша должност!“, повикуваат од Левица.

Со повикот за масовен граѓански Отпор, од Левица имаат и три барања:

-Безусловно суспендирање на противуставната и илегална владина иницијатива за промена на Уставот на РМ и поништување на отфрлениот т.н. „Преспански договор“;
-Итно распуштање на парламентот и закажување на предвремени парламентарни избори;
-Формирање преодна техничка влада со ограничен мандат единствено за спроведување фер и демократски избори.