Стојановска со поддршка за Мицкоски: Кога е најтешко, тогаш се познава јунаштвото

Пратеничката од редовите на ВМРО-ДПМН, Дафина Стојановска на својот официјален Фејсбук профил ја изрази поддршката за лидерот на партијата Христијан Мицкоски.

„Кога е најтешко, тогаш се познава јунаштвото!
Оној кој попуштил на притисоците, тој не бил јунакот.
За Македонија јунаци изгинале. Истите и ден денес се слават и опејуваат. Историјата пишува и ќе пишува. Борбата продолжува... Кој е подготвен со чест и истрајност на сите предизвици кои ни претстојат, тој ќе биде јунакот на современата историја. Од нас зависи, дали ќе попуштиме или ќе истраеме. Јунак или слабак??? Одлуката е моја, и твоја, и на сите кои останавме достоинствени на браникот на татковината. Одиме понатаму, со гордо исправени глави, со чисти срца.
За Македонија, заедно со нашиот лидер Христијан Мицкоски!“, напиша Стојановска.