ВМРО-ДПМНЕ: Граѓаните многу добро знаат дека ние работевме за доброто на сите
Заврши мандатот на Мила Царовска како министер за труд и социјална политика, а со тоа завршуваат и лажните политики на СДСМ, се вели во реакцијата на ВМРО-ДПМНЕ на соопштението на СДСМ.
„Криминалната власт предводена од СДСМ и Царовска се фалат дека ја унапредиле детската заштита, но граѓаните добро знаат дека тоа е лага.
Се фалат дека граделе детски градинки, но ги нема ветените во нивниот таканаречен „План за живот“. Гарантираа и специјални едукатори во градинките, но и нив ги нема.
ВМРО–ДПМНЕ до 2014 имаше изградено 44 детски градинки, а само во периодот од 2014-2016 изгради 21 детска градинка.
ВМРО-ДПМНЕ го прошири опфатот на деца од предучилишно образование за 27%, додека СДСМ за 3 години власт го имаат зголемено само за 2-3%.
Граѓаните многу добро знаат дека ВМРО-ДПМНЕ работеше за доброто на сите и затоа повторно ќе ја дадат довербата на 12 Април“, стои во соопштението на ВМРО-ДПМНЕ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
